น้อยไจยา ft. สุนทรี เวชานนท์ - จรัล มโนเพ็ชร

( 8 Times ) ปวง.. ดอกไม้เบ่งบานสลอน ฝูงภมรภู่ผึ้งสอดไซร้ ดอกพิกุลของปี๋ต้นใต้ ลมปัดไม้มาสู่บ้านตู๋ ฮู้แน่ซัด เข้าสอดสองหู ว่าสีจมปู ถูกปั๊มเก๊าเนิ้ง.. เก๊ามันต๋าย ป๋ายมันเซิ่ง ลำกิ่งเนิ้งต๋ายโก้นตวยแนว ดอกพิกุล ก็คือดอกแก้ว ไปเป๋นหองเปิ้น แล้ว.. เหนอ แต๋ม.. เก๊าเนิ้ง กิ่งมันบ่ถอน บ่ไหวคลอนเฟือนเตี้ยงมั่นแต้เล่า ต๋ามกำลมเปิ้นปั๊ดออกเข้า มี.. แต่เก๊าไหวหวั่นคลอนเฟือน กิ่งมันแต้บ่แซสะเหลือน บ่เหมือนลมเจยรำเพยก่อจะนั้น.. ใจ๋คำญิงนี้หนิมเตี้ยงมั่น บ่เป๋นหองเปิ้น คนใด ยังเป๋นกระจก แว่นแก้วเงาใส บ่ไหวคลอนเหงี่ยงจ้ายเหนอ ตั๋ว.. ปี้น้อยจักขอถาม ต๋ามกำลม เปิ้นมาเล่าอู้ ว่านาย.. มีจู๊ บ้านวังสิงห์คำ ฝ่ายตางปู๊นเปิ้นมาใส่ผะจ๋ำ บ้านวังสิงห์คำเปิ้นมาหมั้นก่อไว้แล้ว.. ตางฝ่ายปั้นตั๋ว น้องนางแว่นแก้ว ก่อตกลงแล้ว บ่ไจ้ก๋าหา เปิ้นจะกิ๋นแขก แต่งก๋านก่อวิวาห์ เมื่อใดจา ปี้น้อยไข้ฮู้เก๊า.. ส่วนไจยา บ่สมเปิ้งเจ้า เพราะเขียมเข้าของ เงินทอง ฝ่ายตางนาย บ่หมายเกี่ยวข้อง มาละหมองต่ำต้อยเหนอ ตั๋ว.. น้องนี้บ่ล้าไหลหลง ก๋านตกลงก่อยังบ่แล้ว จึงเจินตั๋วปี้มาห้วยแก้ว เพราะไข้ฮู้ กำอู้กำจ๋า จึ่งเจิญน้อยปี้มาเปิกษา จะว่าใดจาตั๋วน้องก่อไข้ฮู้ ก๋านตี้มาฟู่อู้ จะเอาเป๋นจู๊ กาว่าเอาเป๋นเมีย หรือจักลบล้างลืมลายหน่ายเสีย บ่เอาเป๋นเมีย หรือจักทิ้งเสียแล้ว หรือเอาเป๋นเมียนางจ๊างแก้ว อยู่เป๋นกู้ข้าง เตียมคิง ขอบอกนายหื้อแน่ใจ๋จริง บ่อำพรางนาถน้องเหนอ บ่จุ๊หลอกน้อง หื้อหม่นหมองหมาง บ่ล่อลวงพราง แม่นางฮ้างแคว ปี้หมายเอาเป๋น เมียนางจ้างแก้ว บ่หื้อคลาดแคล้วเรื่องกำสีเนห์ หลอนแก้วน้องใจ๋ยังบ่เหว เตี้ยงสมคะเน เหมือนปี้กึ๊ดเล่า หลอนปี้จุ๊ ก่อยังล่ายเจ้า ขอหื้อฟ้าผ่าหัวแม่เมียต๋าย ลูกแม่ญิง อู้เล่นก่อบ่ดาย ลูกป้อจาย อู้แต้ก่อบ่ฟัง หลอนนายต๋ายไปเป๋นไก่ตั้ง ปี้น้อยจักต๋าย เป๋นพืน ฟู่บ่ถูกวันพูกก่บ่ขืน ฟู่มะคืนตึงบ่ขืนเมื่อเจ๊า.. ก๋านฮักกั๋น หองข้าตึงเจ้า เผียบเหมือนเหล้า กับปาง ปากกำใด ปี้ก็ตึงอ้าง บ่ใจ้จ๋างจาก น้องเหนอ หลอน.. ว่าแต้เหมือนดังกำจ๋า น้องขอสัญญา กับตั๋วปี้น้อย บ่ขอฮักไผสักเต้าเกิ่งก้อย ขอฮักปี้น้อย ไจยานี้ก่อคนเดียว คนอื่นนับร้อย ตึงบ่แลบ่เหลว จะขอฮักเดียวจายเดียวก่อเต้านี้ หลอนว่าน้องจุ๊ หรือสัปปะรี่ ขอหื้อฟ้าผ่า หัวป้อผัวต๋าย ลูกแม่ญิง บ่ไจ้ว่าบ่ดาย ลูกป้อจาย ขี้จุ๊ก่อแต้ๆ กิ๋นก่ยังตึ้งแก้สะเรียมยำใส่แย้ บะเขือแจ้ยำใส่เตา ก่อนปี้น้อยไจยา ฮักแต้ข้าเจ้า ก็ยินดีจิ่ม แต้เน่อ