สักการะพระธาตุพนม

สักการะฝูงข้าว่าสัมปัตติ ในกาละบัดนี้ นบเถิงที่พระเจติยัง อุรังคธาตุเจ้า.. จอมเจติยาเจ้า สัพพัญญูผู้เป็นจั่ง พระสรณังแห่งข้า.. ได้เซาซ้นอยู่คุหว่าง จบจั่งจันทร์ใสแสง.. เย็นยั้งจั่งบ่ต่าง สมสรณังแห่งข้า.. โอ้ย.. ว่าในคาวนี่.. แต่งดีดาห้าง แต่งตางสัพทา มีดวงดอกมาลา สุคันธาหอมห่วนๆ โฮย.. ฮ้อม.. หอมฮ่วยๆ ต้อง พ่องธูปเทียนเวียนใต้ ข้าแต่งใส่ขันธ์ห้า ตกแต่งดีดาแล้ว ว่าดีดาแล้ว คุแนวเครียงสักการ์ นบธาตุจอมภูกำพล้า จิตตังตั้งว่า.. ว่ายอเถิง.. ( 16 Times) ไหว้นบขึ้นหว่าง เกิ่งกลางเกล้ากะหม่อม ฝูงข้าค้อมใส่จอมปฐม บรมศรี ขาบลงที่เจติยะ บ่อนสัมพุทธะพระเจติยัง คุนังพระกางกั้งเกิ่ง บ่อนเลิงอยู่คุหว่าง สมยั้งอุรังคธาตุโย พระสุขโต ผู้โยยิ่ง ประเสริฐสิ่งพระยอยื่น ปกรณ์พระลื่นกวมกาล ญาณสัมโพธิญา พระสมที่สักการ์ พระสัพยุตญา ทวยฝูงข้า จั่งค้อมใส เพียงพร้อมมาฮ้อมใส่ มโนมัยน้อมขาบ ยอ ไหว้.. ขอได้เพิ่ง เท่าเถิงพระนิรพาน ขอสัพพญาณ พระเป็นจั่งว่า ธชัคคะชัยยะใสส่อง ให้ม้มสงสารบ่อนเคยท่อง แนวหมองอย่าได้ผ่าน สงสารอย่าได้เวียน อย่าเปลี่ยนปี้นปั่น คุแนวสิ่งอัน สรรยิ่ง ประเสริฐคุสิ่ง จั่งมิ่งหมาย ทอบถวายยอยื่น ล้ำลื่นยอเถิง ธรรมอันเลิงอยู่หว่าง ทางพระนิรพาน แห่งพระสัพยุตยาน อั่นฝูงข้ามาดหมาย มโนมัยจั่งน้อมขาบ ลง ไหว้.. ว่าสาธุเทอญ