กระท่อมทำใจ

กระท่อมมุงฟาง กลางทุ่งนาขี้กระต่าย คือหม่องพักหัวใจ คนฮักพ่ายจากผู้บ่าว หลบมานอนลี้ ตั้งแต่วันที่น้องฮู้ข่าว ว่าอ้ายมีผู้สาว มาขอเจ้าไปแต่งงานดอง อยากอายคนมอง แพ้ค่าดองจนหน้าจ๋อย ฮักถืกเขาแย่งไปจ้อย คนเงินน้อยได้แค่มอง อยู่บ้านบ่ได้ ย่านคนเว้าใส่มื้อกินดอง หลบเลียแผลใจเจ้าของ ในกระท่อมเดียวดาย น้ำตาน้องย้อย คึดฮอดฮอยความหลัง ฮักน้องเศร้าที่เขาพัง สิ้นหนทางแก้ไข เอาไม้แป้นปีก เขียนด้วยก้อนขี้ถ่านไฟ ว่ากระท่อมทำใจ ติดเป็นป้ายให้คนอ่าน เข้าบ้านบ่ได้ นอนเลี้ยงไก่อยู่ทุ่งนา มื้อวันอ้ายวิวาห์ ฝากไข่ไก่มาเข้าพาขวัญ จากวันนี้น้อง สิขอเฮ็ดใจให้เป็นทาน เอาเสียงนกกาปลอบขวัญ อยู่ในกระท่อมทำใจ น้ำตาน้องย้อย คึดฮอดฮอยความหลัง ฮักน้องเศร้า ที่เขาพัง สิ้นหนทางแก้ไข เอาไม้แป้นปีก เขียนด้วยก้อนขี้ถ่านไฟ ว่ากระท่อมทำใจ ติดเป็นป้ายให้คนอ่าน เข้าบ้านบ่ได้ นอนเลี้ยงไก่อยู่ทุ่งนา มื้อวันอ้ายวิวาห์ ฝากไข่ไก่มาเข้าพาขวัญ จากวันนี้น้อง สิขอเฮ็ดใจให้เป็นทาน เอาเสียงนกกาปลอบขวัญ อยู่ในกระท่อมทำใจ จากวันนี้น้อง สิขอเฮ็ดใจให้เป็นทาน เอาเสียงนกกาปลอบขวัญ อยู่ในกระท่อมทำใจ